На Модната недела во Њујорк се случи непријатна сцена за старлетата Ким Кардашијан.
Уредничката на американскиот „Вог“, Ана Винтур, присуствуваше на модната ревија, како и Ким Кардашијан и актерката Сара Џесика Паркер.
Ана во еден момент отишла да се поздрави со Сара, но Ким Кардашијан претпоставила дека сака и со неа да се ракува и поздрави. И оттука започнала непријатноста за Ким.
Видеото од оваа средба е објавено на ТикТок, а многумина се смеат бидејќи „челичната дама“ Ана Винтур само ја изигнорирала Ким и се поздравила со Сара. Можете дури да го слушнете гласот на риалити ѕвездата како срдечно ја поздравува уредничката на „Вог“.
Коментарите постојано пристигнуваат, а многумина на хумористичен начин го дадоа своето мислење за оваа непријатна ситуација.
„И баш така… Ким Кардашијан сфати до кого стои“, напиша еден корисник.
„Ким е никој и ништо покрај иконата С. Џ. П.“, гласи друг коментар.
„Се смеам на тоа како Ана Винтур ја игнорираше Ким Кардашијан. Можам да го гледам ова одново и одново“, додал трет корисник.
ФОТО: Јутјуб
