Полската полицијатапронашла тела на три новороденчиња во подрум на семејна куќа во селото Черники, Полска, југозападно од Гдањск.
Државниот обвинител потврди дека е уапсена дваесетгодишна жена која е осомничена за убиство, но и за инцест. Полските медиуми јавуваат дека истрагата се води и против нејзиниот 54-годишен татко.
Вчеравчер полицијата пронашла едно тело на мртво новороденче во селото кое се наоѓа југозападно од Гдањск. По дополнителен претрес на куќата, полициските службеници пронашле уште едно тело на бебе во поодмината фаза на распаѓање. Полицијата на крајот го пронашла и третото мртво бебе.
Случајот сега е во рацете на државниот обвинител.
Заднината на злосторството сè уште е нејасна.
