Тренерот на Рома, Жозе Мурињо е суспендиран од Италијанската фудбалска федерација.
Португалецот е суспендиран на 10 дена поради обвинувањата кои ги упати кон судија на натпревар од Серија А.
Мурињо го нарече судијата Даниел Чифи „најлошиот судија на светот“ по натпреварот што Римјаните го одиграа на гостувањето кај Монца на почетокот на мај оваа година. Нерешено 1:1 заврши натпреварот од 33.коло во Серија А одигран во Монца.
Поради ова испаѓање, славниот тренер ќе пропушти 10 дена од стартот на сезоната 2023/24.
Претходно и УЕФА го суспендираше Мурињо на четири европски натпревари поради навреда на англискиот судија Ентони Тејлор по финалето од Лигата на Европа против Севиља.
