Вест Хем суспендираше група навивачи и им забрани влез на стадионот, откако на социјалните мрежи се појави видео на кое некои од нив вдишуваат сомнителен бел прав за време на натпревар на стадионот во Лондон.
Во видеото кое се појави пред неколку дена, еден обожавател става бел прав на главата на својот пријател, а друг го шмрка пудрата, на голема забава на групата околу нив.
Разменети се и пари меѓу лицето кое му го ставило прашокот на главата на човекот пред него и лицето кое подоцна ја консумирало содржината.
Вест Хем веднаш се огласи и го осуди ваквото однесување и воедно им забрани да доаѓаат на стадион.
„Клубот е згрозен од содржината на видеото и веднаш реагираше за да се идентификуваат овие лица. Согласно нулта толеранција за ваквото однесување, фотографиите и податоците на овие лица без одлагање беа испратени во полиција, а на сите им беа суспендирани сезонските билети. Им е забрането да патуваат на гостувањата на Вест Хем“, се вели во соопштението на „Чеканите“.
„Водиме внатрешна истрага, а според информациите до кои доаѓаме, суспензиите може да бидат доживотни. За вакво однесување нема место на стадионите“, додаде Вест Хем.
