Комичарот Пит Дејвидсон, сегашното момче на Ким Кардашијан, конечно одговори на нападите на контроверзниот рапер Канје Вест на социјалните мрежи, и тоа разменувајќи СМС-пораки со него преку налогот на комичарот Дејв Сајрус.
Пит, 28- годишната СНЛ ѕвезда, кој го користел налогот на Дејв во минатото – за да сподели неколку убави зборови неодамна за смртта на комичарот Боб Сагет – побара од Канје да ја води својата јавна битка со поранешната сопруга на друго место и да се сретне со него „лице в лице“, наместо постојано да го навредува на социјалните мрежи.
Пит ја почнал размената на пораките коментирајќи го својот погрден, омаловажувачки прекар „Скит“ кој му додели Канје, пред да му каже дека во моментот е во кревет со Ким Кардашијан, неговата поранешна сопруга.
Пит дури му испрати и селфи со палецот нагоре, покажувајќи ги своите тетоважи додека опуштено лежи во креветот.
Со тоа Пит му испрати порака дека повеќе нема да молчи.
„Еј, тука е Скит, престани да нѐ малтретираш. Нема да дозволам да се однесуваш вака со нас. Ким е феноменална мајка и треба да бидеш среќна што ти родила деца. Порасни“, напишал Дејвидсон.
Канје потоа го прашал каде се наоѓа во моментот, а тој одговорил – „Во кревет со твојата жена“.
Канје потоа го прашал дали излегол од душевната болница, а Пит Дејвидсон возвратил: „Тие објекти прават чуда, треба да пробаш“.
Тие продолжиле да се расправаат, а Дејвидсон потоа му понудил помош на Канје – тој му рекол дека сака да му помогне за „ментално да се излекува“.
Откако Ким влезе во врска со Пит, Канје Вест многупати јавно го навредуваше Дејвидсон, но и Ким, неговата сега официјално поранешна сопруга.
ФОТО: Инстаграм
