Во некои земји не се двоумат да удрат возачи кои ги прекршуваат сообраќајните правила, односно оние кои прават сериозни прекршоци. Очигледно сфатија дека само остри мерки и болен удар во паричникот успеваат во борбата против непочитувањето на законот и загрозувањето на другите учесници во сообраќајот.Една од земјите кои се одлучија за прилично оригинален начин на казнување е Летонија. Имено, оваа балтичка држава ќе конфискува возила фатени во сериозни прекршоци и ќе ги испрати во Украина за да и помогне на тамошната армија која веќе една година се справува со брутална руска агресија.
Планот го обелодени летонскиот премиер Артурс Кришјанис Кариш, на иницијатива на Министерството за финансии на оваа земја, кое во моментов ја подготвува програмата за имплементација. Идејата потекнува од движењето познато како „Твитер конвој/НВО Агендум“, кое, според Business Insider, веќе испорача повеќе од илјада автомобили на украинската армија.
„Им недостасуваат автомобили за да продолжат да прават добри дела со ист интензитет“, рече портпаролот, додавајќи дека верува дека одземањето автомобили од пијани возачи во Летонија ќе помогне во иницијативата. Според законите во оваа земја, автомобилите ќе им бидат одземени на возачите кои имаат повеќе од 1,5 промили.
