Жените и децата панично бегаат од Украина за да спасат жива глава од војната, а мажите, пак, остануваат во татковината и со оружје в раце ја бранат својата земја од рускиот непријател.
Во целиот тој хаос, сред бомбардирање, додека илјадници продавници, куќи и станови остануваат сами и незаштитени, сѐ почесто почнаа да се појавуваат крадци помеѓу бранителите. Дел од момците од кои се чека да ја спасуваат Украина од Русите, почнаа комотно да си влегуваат во туѓите напуштени домови и да си го присвојуваат она што ќе им се допадне.
Но, на други момци, пак, исто така Украинци, воопшто не им се допаѓа ваквата појава и решија да воспостават ред среде војна. На социјалните мрежи се појавија фотографии на кои е прикажан начинот како добрите Украинци се справуваат со лошите Украинци.
Едноставно, ги ловат крадците и ги врзуваат за бандера со стреч фолија.
