На влезот на српскиот град Ниш доцна синоќа се запалил автобус на „Ниш Експрес“.
Според првичните објави на медиумите, наводно пукнала една од гумите на автобусот, по што за неколку минути се запалило и изгорело целото возило.
Автобусот патувал во правец Скопје-Белград со Ниш како попатна станица, пренесува Прес24.
Во автобусот имало само 8 патници, сите се евакуирани и нема повредени лица.
Повеќе информации се очекуваат во текот на денот.
