Бритни Спирс и Елтон Џон ќе ги обединат своите гласови во нова песна, објави издавачката куќа која ќе го објави синглот.
Пејачите, кои заедно имаат 90-годишно искуство во музичката индустрија, ќе соработуваат на песната „Hold Me Closer“. Иако датумот на објавување се уште не е познат, тоа ќе биде првата нова песна на Бритни Спирс по неколку години.
Насловот е инспириран од Џоновиот „Tiny Dancer“, кој излезе во раните 70-ти години на минатиот век.
Бритни Спирс со години не дава интервјуа и ретко се појавува во јавноста.
Елтон Џон пред неколку месеци го прослави својот 75-ти роденден. Во 2018 година, тој започна проштална турнеја за време на која беа планирани околу 300 концерти низ целиот свет, но турнејата беше нарушена поради пандемијата на Ковид-19.
