Девет лица починаа, а 198 се заболени од ковид-19, соопшти денеска Министерството за здравство.
Од вкупниот број позитивни (198), регистрирана е 31 реинфекција. Регистрирани сe 276 оздравени пациенти.
Направени се 1.996 тестови, а регистрираните нови случаи со ковид-19 се во Скопје – 120, Битола – 15, Прилеп – 11, Охрид – 7, Куманово и Виница по 6, Кавадарци – 5, Тетово, Велес, Штип и Кичево по 4, Дебар и Кратово по 2, Гостивар, Струмица, Кочани, Струга, Гевгелија, Свети Николе, Делчево и Демир Хисар по 1.
Од починатите двајца се од Скопје (70 и 92) и по еден од Прилеп (73) и од Битола (74). Согласно Регистарот на умрени лица со дијагноза ковид-19 од Мој Термин, дополнително се пријавени 5 починати лица: од Скопје (2), Тетово (1), Охрид (1) и Гевгелија (1). Тие се на возраст од 53 до 92 години, а починале во периодот од 27.02.2022 до 02.03.2022 година во домашни услови.
Од сите починати, кај 8 се регистрирани коморбидитети, а едно лице е пријавено без коморбидитети.
Досега во земјата со ковид се дијагностицирани 301.491 лица, бројот на оздравени е 290.254, на починати е 9.146, а бројот на активни случаи изнесува 2.091. Во моментов, во Скопје има 1.094 активни случаи.
