Армискиот тим, кој е ангажиран во активностите за пребарување на теренот, пронаоѓање и извлекување на евентуално преживеаните во градот Кахраманмараш вчера во попладневните часови асистираше во успешно спроведена акција на спасување на петгодишно дете од урнатините.
– По сознанијата дека се слушнати гласови под урнатините, нашиот армиски тим заедно со турскиот тим за пребарување по шестчасовно расчистување на урнатините слушнале детски глас и по четири часовното максимално ангажирање успеале да го извлечат петгодишниот Сулејман – информираат од Канцеларијата за односи со јавност на Генералштабот на Армијата.
