Еден ученик изутрината повредил со нож неколку соученици во средно училиште во градот Вупертал во западна Германија, јавија германски медиуми.
Напаѓачот потоа бил совладан и фатен. Тој исто така е повреден, но не се знае дали сам себеси се повредил или е повреден при апсењето.
Полицијата околу 10 часот добила повик дека ученик нападнал други ученици во гимназијата и повредил најмалку четири лица, пренесува „Билд“. Нема извештаи колку се тешки повредите и дали некој од учениците е во животозагрозувачка состојба.
