Неверојатен расплет пред „распределбата на визи“ за учество во групната фаза од Лигата на шампионите во следната сезона.
Аталанта ја освои Лигата на Европа со победата против Леверкузен во Даблин, благодарение на хет-трикот на Лукман (3:0). И имаше една сосема апсурдна ситуација околу распределбата на визите за учество во групната фаза од Лигата на шампионите следната сезона.
Имено, Аталанта ја обезбеди елитата во сезоната 2024/25 во претходното коло од Серија А, кога го обезбеди петтото место, со победата над Лече на гости (2:0). Екипата од Бергамо има три бода повеќе и подобар учинок меѓу двете страни од шестопласираната Рома, која има само уште еден натпревар.
Да потсетиме, претходно Италија имаше право на дополнителен петти учесник, заедно со Германија, по најдобриот коефициент во тековната сезона. Со тоа Аталанта е сигурна со оглед дека Серија А ќе ја заврши на петтото место.
Останува отворено прашањето дали местото кое му припаѓа на победникот во Лига Европа, а со оглед дека тоа е Аталанта, ќе биде префрлено на шестопласираната екипа од Серија А или на тимот со најдобар коефициент меѓу екипите кои треба да играат квалификациите следната сезона, а тоа е моментално Португалија Бенфика.
Има две сценарија. Прво, доколку Аталанта биде петта во Серија А, во Лигата на шампионите ќе оди и шестопласираната италијанска екипа Рома. Второ, ако Аталанта биде трета или четврта во Серија А, Бенфика оди во ЛШ!
На Аталанта и остануваат уште два натпревари до крајот на натпреварувањето во Серија А. Најпрвин во недела во славеничка атмосфера против Торино на домашен терен, потоа доцниот меч од 29. коло против Фиорентина, исто така во Бергамо.
А ситуацијата е сосема апсурдна за италијанскиот фудбал, на Аталанта и се исплати да загуби и да остане петта, за во сезоната 2024/25 да има дури шест екипи во Лигата на шампионите. Останува да видиме дали Италијанците ќе бидат искрени, или ќе ги „буткаат“ Ромите во елитата. Кога УЕФА направи и дозволи таков хаос.
