На југот на Црвеното Море, американската војска собори беспилотно летало и противбродска балистичка ракета лансирани од јеменските Хути во четвртокот. Ниту еден од 18-те бродови во областа не е оштетен во инцидентот, јавува германската новинска агенција dpa.
Инцидентот од четвртокот е 22-ри напад на јеменските Хути врз меѓународни товарни бродови од 19 октомври. Според американската воена команда задолжена за регионот на Блискиот Исток, нападот се случил во четвртокот попладне по локално време.
„Ниту еден од 18-те бродови во областа не претрпел никаква штета, ниту пријавиле повреди“, велат тие.
Од избувнувањето на војната во Газа, шиитските бунтовници Хути, поддржани од Иран, кои контролираат голем дел од Јемен, постојано го напаѓаа Израел со беспилотни летала и ракети. Во последниве недели, тие извршија напади и врз товарни бродови во Црвеното Море, како резултат на што повеќе од 20 земји, предводени од САД, се приклучија на меѓународната коалиција за заштита на товарниот сообраќај во Црвеното Море и Заливот. на Аден, кој заедно со Суецкиот канал претставуваат една од најважните светски бродски рути.
