Направени се 887 тестови, а регистрирани се 75 нови случаи на ковид-19 во последните 24 часа. Нема починати, соопшти Министерството за здравство.
Во Скопје има 38 нови случаи, во Куманово – 8, Велес – 6, Кавадарци – 4, Охрид, Кичево и Гевгелија по 3, Битола, Прилеп и Штип по 2, Неготино, Радовиш, Крива Паланка и Берово по 1.
Од вкупниот број позитивни, регистрирана е 21 реинфекција. Регистрирани сe 99 оздравени пациенти.
Досега во земјата се дијагностицирани 342.323 лица, бројот на оздравени пациенти е 332.150, на починати е 9.524, а бројот на активни случаи изнесува 649.
Според епидемиолошки анализи во моментов, во неколку града не се пријавени случаи со ковид – Свети Николе, Виница, Пробиштип, Богданци, Демир Капија, Македонска Каменица, Пехчево и Дојран.
