„Ангели на смртта“ се вика новата специјална единица на жени-пилоти која ја претстави Владимир Путин на воената парада во Краснодар. Според британските медиуми новомобилизираните жени се обучуваат за користење стратешки нуклеарни бомбардери и транспортни авиони, пишува Мондо. Жените се присутни во руската авијација уште во Втората светска војна која Јоиф Сталин им дозволил да летаат, а 23 од нив станале херои на СССР. За актулениот руски министер за одбрана, Сергеј Шојгу, ова е само продолжување на традицијата.
– Вие сте референтна точка и пример за девојките кои ќе тргнат по вашите стапки – им рече Шојгу на жените.
Брзо по неговата изјава почнаа да се појавуваат критичари, кои со потсмев тврдеа дека овие „девојки наскоро ќе се омажат и ќе одат „да служат“ на породилно отсуство“.
Шојгу годинава како пример за иднината ја избра првата кандидатка, Ана Шчебаркова од Перм, која првично беше одбиена. На парадата имаше 400 нови пилоти, вклучително и 16 жени, кои, според извештаите на медиумите, беа воодушевени што ја завршија обуката и станаа дел од руските вооружени сили, а славеа со фрлање цвеќиња и парички во воздухот врескајќи од задоволство.
Кога ја започнаа својата петгодишна обука во 2017 година, на девојките им се обрати полковникот Олег Пчела, кој им објасни што значи да се биде пилот и кои се задачите пред нив.
– Девојките обично се многу романтични. Сепак, тие се многу мотивирани, што им овозможува успешно да управуваат со нашите авиони и да ги извршуваат задачите што им ги довери командата. Да се биде воен пилот е одговорна работа. Тоа е тешка професија која исто така бара високи морални вредности – рече полковникот Пчела.
