Делови од дронот беа пронајдени рано во понеделникот во центарот на Москва, на околу два километри од главната зграда на Министерството за одбрана, јавија руските државни новински агенции, повикувајќи се на службите за итни случаи.Затворена е авенијата Комсомолски од центарот на Москва до периферијата на градот, јави новинската агенција РИА, повикувајќи се на московското Министерство за транспорт.
Сведок на Ројтерс слушнал две силни експлозии пред да се најдат информации за фрагменти од дрон.
Новинската агенција ТАСС јави, повикувајќи се на итните служби, дека врз основа на прелиминарните информации, нема жртви.
Русија тврди дека спречила напад со украински беспилотни летала
Два беспилотни летала лансирани од Украина ја нападнаа Москва рано во понеделникот, но беа пресретнати и уништени, соопшти руското Министерство за одбрана.
Руските државни новински агенции објавија дека делови од дронот биле пронајдени на два километри од зградите на министерството. Нарекувајќи го „терористички напад“, Министерството за одбрана на својата апликација за пораки Телеграм објави дека нема жртви во нападот.
Ниту Министерството за одбрана, ниту градоначалникот на Москва Сергеј Собјанин не соопштија каде биле пресретнати беспилотните летала.
Руските државни новински агенции јавија, повикувајќи се на итните служби, дека делови од дронот биле пронајдени во близина на зграда на авенијата Комсомолски, која е недалеку од зградите на Министерството за одбрана.
Сообраќајот на таа авенија беше затворен, како и на авенијата Лихачев на југот на Москва, каде беше оштетена висока деловна зграда, јавуваат агенциите.
Од Киев немаше коментар. Украина речиси никогаш јавно не ја презема одговорноста за нападите во Русија или на територијата во Украина контролирана од Русија, но во последните месеци изјави дека уништувањето на руската воена инфраструктура и помага на контраофанзивата на Киев.
