Владимир Ѓорчев од ВМРО-ДПМНЕ прв почна да објавува резултати на Фејсбук од првиот круг Претседателските избори 2024. Тој веќе прогласи победа во неколку општини на кандидатката Гордана Силјановска Давкова, која беше поддржана од Коалицијата „Твоја Македонија“.
„Победа!! На 20% на ниво на Македонија:
Гордана 64.929 45 %
Стево 27.728 19 %
Бујар 18.896 13 %
Арбен 12.916. 9 %
Максим 11.069 7 %“, напиша Ѓорчев.
Тој прогласи победа на Силјановска Давкова и во Чанаклија, општина Василево, Струмичко, општина Аеродром, Цапари, Ракотинци, Брвеница…
Според обработени 30 отсто од гласовите во штабот на ВМРО-ДПМНЕ, ситуацијата изгледа како на сликава:
Според податоците што ги објави Аналитичкиот центар на ВМРО-ДПМНЕ, од обработени 30,23 проценти од гласачките места, нивната кандидатка за претседател Гордана Силјановска-Давкова освоила 45 проценти од гласовите, кандидатот на коалицијата предводена од СДСМ Стево Пендаровски 19,92 проценти, а Бујар Османи од ДУИ 11,71 проценти.
Четврти е Максим Димитриевски од ЗНАМ со освоени 7, 89 проценти, по што следуваат Арбен Таравари од ВРЕДИ со 7,56 проценти, Билјана Ванковска од Левица 4,53 и Стево Јакимовски од ГРОМ – 1,02 проценти.
