Главниот политички советник на Кина, Ванг Хунинг, на средбата со српскиот претседател Александар Вучиќ во Пекинг изјави дека Кина и Србија имаат силна меѓусебна политичка доверба и плодна соработка во заедничката изградба на „Појас и пат“, пренесува Ксинхуа.
Ванг, кој е претседател на 14-тиот национален комитет на Политичката консултативна конференција на кинескиот народ и член на Постојаниот комитет на Политбирото на Централниот комитет на Комунистичката партија на Кина, рече дека Кина и Србија имаат силна политичка меѓусебна доверба и плодна соработка во заедничката изградба на Појас и пат.
Ванг додаде дека повеќе од 1,4 милијарди Кинези имаат пријателски чувства кон Србија и цврсто ја поддржуваат Србија во зачувувањето на нејзиниот суверенитет, безбедност, национални интереси и национално достоинство.
Поздравувајќи го високиот степен на меѓусебна доверба и искрено пријателство меѓу Србија и Кина, Вучиќ рече дека секогаш кога ќе ја посети Кина се чувствува како дома.
Вучиќ, кој ја предводи српската делегација на третиот форум „Појас и пат“ во Пекинг, додаде дека Србија ќе продолжи да ги поддржува и активно да учествува во глобалните иницијативи предложени од кинескиот претседател Кси Џинпинг, пренесува Ксинхуа.
