Цуфи Кока, човекот кој пукаше со пиштол на плоштадот „Скендербег“ за време на протестниот марш на противниците на францускиот предлог е само еден од тројцата на кои Кривичен суд им изрече мерка притвор од осум дена.
Другите двајца се демонстранти кои предизвикале инциденти пред Собранието на 5 и 6 јули.
Цуфи Кока се товари за кривичното дело предизвикување општа опасност. Пред судија на претходна постапка тој и останатите двајца демонстранти се произнеле во присуство на бранител.
„Судот смета дека се исполнети условите од член 470 ст.1 т.1 и 2 односно постои опасност од бегство и можност осомничените да го повторат кривичното дело. Против овие неправосилни решенија странките имаат право на жалба пред Кривичниот совет на овој суд“, соопшти Основен кривичен суд Скопје.
