Централните банки продолжија да купуваат злато, со пријавени нето-месечни набавки од вкупно 42 тони во октомври, откри Светскиот совет за злато (VGC).
Според извештајот на Советот нето- месечните набавки во октомври се за 41% пониска од ревидираната сума од септември од 72 тони, но сепак е 23% над месечниот просек од 34 тони од јануари до септември.
Најголеми купувачи на злато се централните банки на Кина и на Турција.
Народната банка на Кина остана најголем купувач на шипки, известувајќи за откуп на 23 тони злато.
Централната банка на Турција, исто така, направи значителен откуп во текот на месецот, купувајќи 19 тони за да ги зголеми официјалните резерви на злато на 498 тони.
Според податоците на Светскиот совет на злато во другите банки откупот на злато бил поскромен.
Народната банка на Полска продолжила да ги зголемува своите златни резерви, купувајќи уште 6 тони. Нејзините залихи на благородниот метал годинава се зголемија за над 100 тони, на вкупно 340 тони.
Резервната банка на Индија, Чешката национална банка, Националната банка на Република Киргистан и Централната банка на Катар беа други значајни купувачи во октомври.
Во Извештајот се посочува дека набавките на злато од централните банка во голема мера ја надминале продажбата на металот годинава.
„Дури и пред нето-купувањата во октомври, забележавме дека 2023 година веројатно ќе биде уште една колосална година на купување на централната банка“, заклучува Советот.
