Топланите во Србија се принудени да го зголемат парното поради поскапувањето на бензинот, 60 од нив веќе го направиле тоа, а некои чекаат одобрување на барањата за корекции за повеќе од 30 отсто, изјавија од топланите за агенцијата Бета.
Директорот на топланата во Суботица, Саша Петковиќ изјави дека топланата од 1 октомври ги корегирала парното за околу 15,5 отсто.
„Поскапеа гасот, струјата, услугите, материјалите, бевме принудени да го зголемиме парното. Фиксниот дел од цената се зголеми од 31,54 на 35,90 динари за метар квадратен или за 14 отсто, а варијабилниот дел од 5,70 динари на 6,67 динари за мегават или околу 17 отсто, вкупно цената се зголеми во просек за 15,5 отсто. рече Петковиќ.
Топлана Шабац поради поскапувањето на гасот за неа четири пати од минатата година за вкупно речиси 50 отсто, а цената на струјата за 35 отсто, од 1 август ги покачи парното во просек за 32,6 отсто. .
Топланата „Мајданпек“ е една од ретките кои немаат покачено или засега не планираат поскапување на парното. Директорот на таа компанија Ѓорѓе Рошкиќ рече дека топланата користи биомаса како енергенс и дека е склучен договор за испорака по иста цена како лани.
Тој рече дека цената на парното за метар квадратен е 106 динари со данок на додадена вредност и дека со локалната самоуправа е договорено цените да не се покачуваат.
„Со општината се договоривме да не ги зголемува цените на парното, ги следиме движењата на цените, а доколку има потреба ќе добиеме и субвенција од локалната самоуправа“, рече Рошкиќ.
