Корнелие Бата Ковач почина денеска на 81-годишна возраст. Меѓу првите кои се простија од него на социјалните мрежи се неговите ќерки Александра, Кристина и Ања, а се огласи и еден од неговите најблиски соработници за кого напиша бројни хитови.
Корнелие Ковач напиша музика за театар, филмови, телевизија, како и за многу популарни изведувачи како Здравко Чолиќ, Бисера Велетанлиќ, Оливера Катарина, Лепа Брена.
Некои од најголемите хитови на Здравко Чолиќ ги напиша токму тој. „Ја викав Емили, „Април во Белград“, „Ти си ми во крвта“ и „Ти можеш сè“ се само некои од нив.
Иако нивната соработка не започнала баш најдобро, подоцна станале најблиски соработници.
Здравко Чолиќ не ја криел тагата поради веста дека Корнелие Ковач почина и од него се прости со трогателни зборови.
„Се чинеше дека ќе бидеш тука засекогаш. Ти благодарам за музиката… за делата што ги создаваше… за зборовите на внимание и љубов што ги имаше за сите нас. Ги одбележа нашите животи. Ти благодарам Бато за сè“, напишал тој под заедничката фотографија.
ФОТО: Инстаграм
