Севернокорејската војска тестираше нуклеарна подморница, тестот го надгледуваше севернокорејскиот лидер Ким Џонг Ун. Таа најави дека нуклеарна подморница може да „предизвика радиоактивно цунами“.
Властите во Северна Кореја денеска објавија дека севернокорејската војска тестирала нуклеарна подморница која може „да предизвика радиоактивно цунами“. Како причина за влошување на безбедносната ситуација во регионот, Пјонгјанг продолжува да ја истакнува воената соработка меѓу САД и Јужна Кореја, каде веќе со критики реагираа на новото тестирање на оружје.
„Оваа нуклеарна подморница може да се користи за напад од кој било брег или пристаниште“, се вели меѓу другото во извештајот од тестот објавен од севернокорејската државна новинска агенција KCNA.
Функцијата на ова оружје е „незабележано да навлезе во непријателските води и да создаде радиоактивно цунами од големи размери за да ги уништи поморските единици и главните оперативни пристаништа“. Севернокорејскиот лидер Ким Џонг Ун лично го надгледувал тестирањето, објави и КЦНА.
Аналитичарите во Сеул инаку се скептични за тврдењата на Северна Кореја, а јужнокорејскиот претседател Џун Сук Јеол денеска како одговор на последниот тест вети дека Северна Кореја „ќе плати за своите непромислени провокации“, пренесува шпанската новинска агенција ЕФЕ.
Тој додаде дека „тестовите и провокациите на Северна Кореја дополнително ќе ја зајакнат безбедносната соработка“ меѓу Јужна Кореја и САД, а ја спомена и Јапонија.
Во последно време зачестија различни тестови на оружје во Северна Кореја, додека тензиите на Корејскиот полуостров растат.
Пјонгјанг минатата година изврши рекорден број тестови на оружје, а Сеул и Вашингтон ја зајакнаа безбедносната соработка. Во четвртокот Јужна Кореја и САД ги завршија најголемите заеднички воени вежби во последните пет години.
Во меѓувреме, во Пјонгјанг ваквите вежби се сметаат за закана за инвазијата и окупацијата на Северна Кореја, која минатата година се прогласи за „неповратна“ нуклеарна сила. Водачот Ким Џонг Ун исто така повика на експоненцијално зголемување на производството на оружје, вклучително и тактичко нуклеарно оружје.
