Русија преместува резервни сили од целата земја и ги собира во близина на Украина за идни офанзивни операции, соопшти во саботата британското воено разузнавање.
Голем дел од новата руска пешадија најверојатно ќе биде распоредена со оклопни возила МТ-ЛБ кои се во складиште долго време.
Овие возила стануваат нивен примарен транспорт, твитна британското Министерство за одбрана во редовен билтен.
Рускиот амбасадор во Лондон, Андреј Келин, за Ројтерс изјави дека руските сили ќе го заземат остатокот од Донбас во источна Украина и веројатно нема да се повлечат од јужниот брег.
Украина на крајот ќе мора да склучи мировен договор или „да продолжи да се лизга по овој рид“ во пропаст, рече тој.
Украинските власти објавија силно руско гранатирање на градови и села на фронтот во источниот регион Донбас пред очекуваниот притисок за заземање територија.
