Нов пожар избувна во Русија. Според руските медиуми, во Кубан, регион на Северен Кавказ на југот на Русија, кој од западната страна со мостот Керч е одделен од полуостровот Крим, се запалил складиште за нафта.
Началникот на областа Темрјук, Фјодор Бабенков, на Телеграм потврди дека пожарот зафатил површина од околу 1.200 квадратни метри.
Специјални служби работат на територијата на АД Таманнефтегаз“, напиша тој.
Шефот на округот додаде дека во инцидентот нема повредени, пренесува РИА Новости. Причините за инцидентот се утврдуваат.
Антон Герашченко, советник на министерот за внатрешни работи, на Твитер сподели видео од пожарот, наведувајќи дека пожарот може да се види и од Кримскиот мост.
„Пожарот во магацинот за нафта во селото Волна во Краснодарската област е видлив дури и од мостот на Крим“, рече тој.
