Шефицата на мисијата на Обединетите нации за заштита на човековите права во Украина, Матилда Богнер, изјави дека во Мариупол наскоро би можели да дојде до илјадници цивилни жртви, како резултат на воените дејствија во градот.
– Што се однесува до масовните гробници, се договоривме да ги нарекуваме импровизирани гробници – изјави таа.
Повеќе од една недела во Мариупол траат улични борби, во кои руските единици се обидуваат да ги совладаат украинските бранители. Во меѓувреме објавени се и сателитски снимки, од кои може да се види степенот на разорувањето на урбаните делови на градот.
– Од Мариупол остана само името – е еден од коментарите на социјалните мрежи.
