Си-Би-Ес објави дека Нејмар наскоро би можел да биде на пат за Саудиска Арабија.
По Кристијано Роналдо и Карим Бензема, Саудијците се свртеа кон бразилската ѕвезда, поточно Ал Хилал кој го сака Нејмар во своите редови откако им пропадна договорот со Лионел Меси.
Како што пишуваат американските медиуми, Саудијците му нудат иста плата како Роналдо – 200 милиони евра годишно. Тие исто така се подготвени да му платат на ПСЖ 45 милиони евра обештетување.
Зад Нејмар е сезона во која пропушти голем број натпревари поради повреда. По враќањето од Мундијалот го повреди скочниот зглоб и се уште не е познат датумот на неговото враќање.
