Лидерот на „огнените“ од ДУИ, Изет Меџити во гостување на ТВ Клан одговори на изјавата на Али Ахмети кој на митингот во Чаир рече дека „ние не сме воз туку незапирлив ураган, не дозволувајте ураганот да ве прегази“. Меџити е зачуден од саркастичните зборови на Ахмети и праша каде води овој ураган?
– Тој не му даде вакви изјави ниту на Мендух Тачи кога се обиде да му изврши атентат, ниту на оние кои на прес-конференција го прогласија за тешко болен. Тој не им го правеше тоа ни на противниците, не ми е јасно зошто им го прави тоа на синовите. Каде одите со овој ураган? На сопствените синови? На оние кои ви служеа 20 години – изјави Меџити.
Меџити рече и дека подадената рака на Груби е „исцеден корен“ и дека Груби „заборава дека јас бев ДУИ кога тој беше против ДУИ и кога не беше ДУИ и кога беше во невладината“.
Лидерот на „огнените“ исто така е изнанаден од големото обезбедување на собирот во Чаир кој според него бил митинг на „артанистите“ и дека имало луѓе од цела Македонија уценувани да дојдат, само не од Чаир.
– Отсекогаш сме го пречекувале Али Ахмети како што е треба… Мислам дека ова е централен собир на артанистите затоа што сите се тука, само Чаир не е – изјави Меџити.
