Додека траат жестоките борби за Бахмут, на социјалните мрежи „пламна“ видео од украински војник кој и покрај експлозиите и артилерискиот оган успева мирно да му возврати на непријателот.
Дејли мејл пишува дека неименуваниот војник бил закопан во ров јужно од Маринка во близина на градот Доњецк во Донбас, каде што со месеци се водат жестоки борби. Камера од дрон го снимила грозоморниот момент како војникот се бори со зголемениот број руски сили.
Бруталната снимка ја покажа неговата храброст во жестоката битка против цел руски вод и нивниот оклопен транспортер (АПЦ), пред да се објави дека тој умрел за својата земја. На видеото се гледа како руско оклопно возило БТР-82А го напаѓа ровот каде се крие украинскиот војник:
Се слушаат најмалку три експлозии, додека пукаат топови и грмат митралези, но украинскиот војник успева да остане присебен додека куршумите завршуваат во ровот над него, паѓаат гранати и издува чад од истрелите. Во еден момент на него се гледа црвено ласерско светло, но и тоа го игнорирал.
Се движеше и ги извршуваше задачите како ништо да не се случува.
„Нашиот херој под силен оган еден на еден со АПЦ (оклопен транспортер). Треба да се пишуваат книги за овие луѓе кои тивко ја бранат нашата земја“, се вели на профилот „Тврдината Бахмут“ на Твитер.
Храбриот Украинец продолжи да се бори, но на крајот од клипот беше јасно дека противникот е драматично поброен и дека ударните бранови од експлозиите во областа му ги исцрпиле силите, пишува Дејли мејл, додавајќи дека војникот „се борел против целиот вод и нивниот оклопен транспортер пред тој да ја направи крајната жртва за својата земја“.
Руската „РИА Новости“ подоцна објави дека снимката сугерира дека во нападот загинал украински борец. Тројца негови колеги биле заробени, се тврди во извештајот.
