Американската ријалити ѕвезда Кортни Кардашијан (44) родила син кој е нејзино прво заедничко дете со тапанарот Тревис Баркер, со коj се омажи минатата година, пишува „Пипл“.
Кортни, која има три деца со поранешниот сопруг, роди син на кого му го дала името Роки 13.
За потсетување, Кардашијан има три деца со нејзиниот поранешен сопруг Скот Дисик, синовите Мејсон и Рејн и ќерката Пенелопе. Тревис го има синот Лондон и ќерка Алабама од бракот со Шана Моаклер.
Кортни неодамна откри дека имала итна операција која го спасила животот на нејзиното тогаш неродено дете.
„Засекогаш ќе им бидам благодарна на моите неверојатни лекари што го спасија животот на нашето бебе. Вечно сум благодарна на мојот сопруг кој побрза од турнејата да биде со мене во болница и потоа да се грижи за мене, мојата карпа. И на мајка ми, ви благодарам што се држевте за раце низ ова“, напиша старлетата.
