Белата куќа негодува за одлуката на кошаркаркот Денис Родман да отпатува во Русија и да ја ослободи од деветгодишен затвор младата кошаркарка Бритни Грајнер, која беше осудена за посудеување дрога, јавува Ројтерс. Родман ја шокираше јавноста кога обзнани дека „добил дозвола да оди во Русија“.
– Добив дозвола да одам во Русија и да ѝ помогнам. Се обидувам да одам оваа недела – изјави Родман за NBC, кој сепак не објасни од кого кошаркарот добил дозвола.
Висок претставник на администрацијата, кој побара да остане анонимен, јасно стави до знаење дека Белата куќа не ја одобрува најавената посета. Од Стејт Департментот изјавија дека Родман оди во Русија на своја рака, а не во име на САД.
Претходно, Соединетите држави ѝ понудија на Русија да го размени Виктор Бут, руски трговец со оружје, кој отслужува 25-годишна затворска казна во Америка, за Грајнер, пренесува Гласот на Америка.
– Постои јавно сознание за значајната понуда на администрацијата до Русите и сè она што е надвор од понатамошните преговори преку воспоставени канали веројатно ќе ги искомплицира и ќе ги попречи напорите за ослободување – изјави претставникот за Ројтерс.
Тој исто така истакна дека Стејт департментот ги советува Американците да не патуваат во Русија.
