Израелската војска соопшти дека пронашла тела на тројца заложници киднапирани од палестински Хамас за време на нападот врз Израел на 7 октомври 2023 година.
Телата на тројца мажи биле пронајдени во текот на ноќта, во заедничка операција на припадниците на израелската армија и разузнавачките служби во Џабалија, на северот од воената територија, се наведува во соопштението на армијата.
Израелскиот премиер Бенјамин Нетанјаху изрази сочувство до семејствата на жртвите и рече дека Израел е должен да направи се за да ги врати киднапираните.
„Имаме национална и морална должност да направиме се што можеме за да ги вратиме нашите заложници, живи и починати, и тоа е она што го правиме“, рече Нетанјаху.
Палестинските екстремисти извршија напад врз јужен Израел на 7 октомври минатата година. Околу 1.200 луѓе беа убиени, а 250 киднапирани.
Повеќе од 35.000 луѓе загинаа во израелските напади врз Појасот Газа што следеа.