Пандемијата на коронавирус покажа дека дел од работата може ефикасно да се врши од дома, а сега токму таквите работни места станаа особено популарни.
Мајкл Назари, консултант за кариера и креатор на содржини, ги наведе најплатените работни места во 2024 година што можете да ги правите од дома.
1. „Облак“ инженер
Тоа се ИТ професионалци кои се одговорни за сите технолошки должности поврзани со cloud computing, вклучувајќи дизајн, планирање, управување, одржување и поддршка.
Работата добро се исплаќа, но најверојатно ќе ви треба диплома по компјутерско инженерство или поврзана тема за да влезете во оваа област, според BestLife. Сепак, според Назари, квалификуваните работници лесно можеле да најдат работа благодарение на големиот број отворени позиции, од кои некои ги нуди и Amazon.
2. Аналитичар на податоци
Овие експерти собираат, организираат и проучуваат збирки на податоци за да помогнат во решавањето на проблемите за бизнисите и другите организации.
„Компаниите се опседнати со податоци“, вели Назари, додавајќи дека оваа улога секогаш ќе биде многу барана.
3. Менаџер за производи
Тоа се луѓето кои се задолжени за развивање на визијата и стратегијата за нови производи, притоа земајќи ги предвид потребите на клиентите.
Назари вели дека многу компании ја нудат улогата од далечина. „Овие лидери се исклучително важни, вештачката интелигенција не може да ги замени, така што на сите компании им се потребни овие лидери“.
4. Менаџери за услуги на клиентите
Назари ги нарекува „шампиони за клиенти“ и тие се менаџери за услуги на клиентите кои им помагаат на клиентите да усвојат нови технологии. Позицијата добро се плаќа, вели тој, иако обично бара некое претходно искуство во техничка поддршка на клиентите.
