Две лица загинаа, а девет се водат за исчезнати во експлозија што се случи во петокот вечерта во фабрика за чоколади во американската држава Пенсилванија, јавуваат агенциите.Шефот на полицијата на округот Вејн Холбин потврди дека има двајца загинати, девет исчезнати и неколку повредени во експлозијата во фабриката Р.М. Палмер во истоимената област.
Експлозијата се случила околу 17 часот по локално време (21 часот по средноевропско време), а една зграда во фабричкиот комплекс е уништена, додека соседната зграда е оштетена. Причината за експлозијата се истражува, изјави Холбин на прес-конференцијата.
Тој рече дека нема понатамошна опасност, но ги повика граѓаните да ја избегнуваат зоната во радиус од 100 километри околу фабриката, која се наоѓа северозападно од Филаделфија. Здравствен претставник изјави дека осум лица биле пренесени во болницата во Ридинг минатата ноќ.
