Во пукање на бензинска пумпа во градот Колумбус во американската држава Џорџија, на границата со Алабама, ранети се девет малолетници, меѓу кои и едно петгодишно дете, соопштија денеска властите.
Децата ранети во инцидентот што се случил вчера се на возраст од пет до 17 години, а се работи за седум момчиња и две девојчиња, пренесува АП. Според соопштението на локалните власти, се чини дека ниту едно од ранетите деца не е во животна опасност.
Полицијата не уапсила никого.
– Зголемувањето на оруженото насилство во кое е вклучена нашата младина влијае на целата земја – рече началникот на полицијата во Колумбус, Фреди Блекмон.
Тој додаде дека полицијата неуморно работи на отстранување на насилниците од улиците на Колумбус.
