Португалија, која е во иста група во мундијалскиот бараж со македонската фудбалска репрезентација, ќе биде без услугите на стандардниот дефанзивец Пепе, поради позитивен тест на коронавирус.
Пепе, како што потврди Португалската фудбалска федерација, ќе го пропушти полуфиналето против Турција на 24 март во Порто, а нема да биде во составот ниту во случај Португалците да обезбедат финален бараж против победникот од дуелот меѓу Италија и Македонија, во Палермо.
Португалскиот селектор Фернандо Сантош замената на Пепе ја најде во одбранбениот играч на францускиот прволигаш Лил, Тијаго Џало.
