„Ангелина“ – така ќе се вика фондацијата основана во спомен на ученичката Ангелина Аќимовиќ, која беше убиена во ОУ „Владислав Рибникар“, но и сите жртви кои загинаа во тоа училиште во Белград лани на 3 мај, како и жртвите од Дубона и Мали Орашје. Анџелина беше „уметничка душа“, со исклучителен талент, па 17 дизајнери од светот на модата креираа модни креации врз основа на скиците што таа ги направи. Меѓу нив е и француската модна куќа „Диор“, пишува Н1.
Според написот Ангелина Аќимовиќ била девојка со многу интереси и афинитети, а еден од нив несомнен била модата. Нејзинит татко го изјавил следното за нејзините погледи на светот.
– Ангелина беше уметничко дете и ова е врвот на остварувањето на нејзиниот сон, да има своја модна ревија. Таа не успеа да ги оствари своите соништа за време на нејзиниот живот, но од неа наследивме огромно уметничко богатство, а наша задача е да ги реализираме нејзините соништа. Таа беше чудесно дете кое Бог ни го даде, бевме благословени да живееме со неа 14 години и таа нè научи многу и ни го збогати животот. Колку е талентирана покажа со својот талент, скромноста, но и големата продорност. Не ни знаевме како да ги оцениме, но во модната куќа „Диор“ за нејзините дела рекоа дека се – фантастични и извонредни. Направија и два фустани според цртежите на Анџелина и вечерва тие се тука – изјави Анѓелко Аќимовиќ.
Сите фустани се на продажба, а сите пари ќе бидат собрани и пренасочени во новооснованата фондација „Ангелина“ чија основна задача е да се спречи повторување на трагедиите какви што лани ја обвија во црно Србија.
– Нашата цел е да пропагираме дека семејството е основата на нашето општество, да ги научиме луѓето што може да го зајакне и дека кога ќе нè нема, фондацијата ќе продолжи да работи – рече таткото на Ангелина.
