Министерството за одбрана на Украина објави видео на кое се гледа моментот кога руска ракета погоди станбена зграда.
„Ги снимаме воените злосторства на Руската Федерација врз цивилното население во Украина“, објави Министерството на Твитер.
Премиерот на Украина Денис Шмихал побара светот да реагира на потезите на Русија.
„Денеска руски проектил погоди станбена зграда во Киев. Во изминатите два дена беа гранатирани болници, градинки и сиропиталишта во украинските градови. Бараме од светот решителен одговор и изолација на Русија за нејзините криминални дела. „Стоп за Русија“, напиша украинскиот премиер на Твитер.
