По повод големиот христијански празник- Велигден, дел од тимот на компанијата Зегин денеска имаше прилика празнично да се дружи со дечињата од СОС Детско село и заеднички да бојадисуваат велигденски јајца.
Иницијативата за овој посебен настан беше на компанијата Зегин и Фондацијата Др. Верица Механџиска, која со задоволство беше прифатена од СОС Детско село. Целта на ова дружење беше желбата да им се донесе радост и топлина на децата без родителска грижа.
„Компанијата Зегин со многу љубов подготви подароци за сите деца од селото, како и за децата од згрижувачките семејства кои се наоѓаат надвор од селото.
Низ игра,смеа и музика, како и одлично расположение беа бојадисани најубавите Велигденски јајца.
Со овој благороден чекор компанијатa Зегин уште еднаш ја докажа својата општествено одговорна мисија, со желба и поттик и останатите компании да се приклучат кон ваквите иницијативи.
