Министерот за надворешни работи Бујар Османи денеска на прес-конференција соопшти дека се потребни уште минимум 50 нови вработувања за да се надополнат потребите во ресорното министерство.
Османи информира дека само оваа година се пензионираат 18 лица во МНР и додаде оти мора да се вработуваат нови лица.
Министерот исто така потенцираше дека има право со закон да има тројца специјални советници, а има само едно место пополнето, а другите се празни.
Тој појасни дека во МНР има вработени со договор онолку колку што дозволува Министерството за финансии.
