Познатиот фудбалер Килиј Мбапе одлучи да потпише нов договор со ПСЖ со кој ќе остане во тимот до 2025 година. Со тоа му даде „корпа“ на Флорентино Перез, првиот човек на Реал Мадрид, кој нудеше 200 милиони евра, но тие очигледно не биле доволни.
– Многу сум среќен што ја продолжувам оваа авантура и останувам во Франција и мојот град Париз. Отсекогаш говорев дека Париз е мојот дом. Се надевам дека ќе продолжам да го работам тоа што најмногу сакам да го работам, а тоа е да играм фудбал и да освојувам трофеи – изјави Мбапе пред натпреварот против Мец.
Перез е во паника, бидејќи освен што го губи Мбапе, тој „дозволи“ Ерлинг Халанд да потпише за Манчестер сити. По загубата на Мбапе, Перез му се јавил на агентот на Роберт Левандовски, но повторно доби „корпа“. Полјакот веќе се договорил за Барселона, а Баерн Минхен, каде тој сега игра, бара 40 милиони евра за откуп.
