За време на разговорите со турскиот колега Реџеп Таип Ердоган, украинскиот претседател Владимир Зеленски изјавил дека сака да се сретне со Владимир Путин. Ова го потврди турскиот министер за надворешни работи Мевлут Чавушоглу.
Разговорот меѓу претседателите на Украина и Турција се случил ден претходно, на 30 мај.
– Баш вчера, за време на преговорите, Зеленски изрази желба да се сретне со Путин. Турција продолжува со своите аспирации да организира преговори – изјави Чавушоглу за новинската агенција Анадолија.
