„Отсекогаш сум бил голем хуманист. Секогаш кога некој беше ранет, тој веќе не ми беше непријател, туку пациент. Сега им дадов наредба на сите мои лекари – сите заробени Руси да бидат кастрирани. Тоа се „лебарки“, а не луѓе“.
Вака изјави Генадиј Друзенко, командантот на украинската доброволна медицинска единица за „Украина 24“.
Друзенко, кој од руските медиуми го доби прекарот доктор Менгеле, по професија е правник. Тој прво ги осуди САД поради неподготвеноста да војуваат со Русија во име на Украина. Потоа зборуваше за третманот што ги чека руските затвореници кои ќе паднат во неговите раце.
