Министерството за внатрешни работи на самопрогласената Доњецка Народна Република (ДНР) на Телеграм објави видео на кое се гледа нападот на руските сили врз фабриката за челик „Азовстал“ во Мариупол, пренесува Нова.
Русите ја зголемија офанзивата и нападите, а од вчера руските војници влегоа во комплексот. По социјалните мрежи се шпекулира дека Русите можеби употребиле термобарични или т.н. вакуумски бомби. Но, оваа информација не е потврдена. Термобаричното оружје е способно да ги претвори телата во пареа и да ги разори белите дробови на луѓето.
Според руското министерство за одбрана, за само една ноќ вчера биле убиени повеќе од 600 украински „националисти“.
