Македонија тоне во криминал и корупција, економијата тоне а корупцијата цвета и во такви услови веројатно сега ќе почнат да се вадат работите кои што биле ставани под тепих, а меѓусебните напади ќе покажат кој што и како правел – изјави денеска во Тетово потпретседателот на ВМРО-ДПМНЕ Александар Николоски, на новинарско прашање за коментар за судириот меѓу Обвинителството за организиран криминал и корупвија и Финансиска полиција.
– Броен е криминалот во сите области и во сите сектори, за жал оние кои што треба да го сузбиваат криминалот, не само што не го сузбивале туку очигледно и го стимулирале, па очигледно, еве, и меѓу себе како што се напаѓаат, ќе ни покажат на сите нас кој, што и како правел, напаѓајќи го едниот другиот веројатно ќе ја добиеме целосната слика – рече Николоски.
