Претседателот Стево Пендаровски денеска, заедно со бразилската фудбалска легенда Жилберто Силва, го откри златниот трофеј за Светското првенство во Катар.
Шефот на државата порача дека се надева оти еден ден истиот пехар ќе заврши во рацете на капитенот на македонската фудбалска репрезентација.
– Драго ми е што е тука, што сме една од малкуте земји – рече Пендаровски.
Силва, пак, кажа дека му е мило што е во Македонија, каде што сите го сакаат фудбалот и порача дека тоа е инспирација за животот.
– Мило ми е што сум тука во земја каде луѓето го сакаат фудбалот. Фудбалот е инспирација за животот, кој дава надеж, дава верба. Македонија беше многу блиску до Светско, беше на чекор, не се пласира, треба да продолжите да сонувате и со напорна работа да се стремите кон следното СП. Тоа што бевте близу дава надеж и мотивација и инспирација за во иднина – кажа Силва.
