Бразилката Сабине Кол Богичи (48) беше уапсена во средата под обвинение за соучесништво во измама на нејзината 82-годишна мајка Женевиев, вдовица на колекционерот Жан Богичи, на пари, уметност и накит во вредност од 142,42 милиони долари.
Нејзиното апсење разоткри мрежа на измамници во кои имало лажни видовити и украле уметнички дела од некои од најпознатите сликари во Бразил.
Уапсени се уште четири лица, а двајца осомничени се во бегство – Дијана Роса Апарецида Станеско Вулетиќ и Славко Вулетиќ.
Операцијата за измама започна во 2020 година, кога ќерката на жртвата најмила лажен јасновидец со задача да и пријде на нејзината мајка. „Психичарот“ ѝ пришол на вдовицата додека излегувала од банката и и дал пророштво за претстојната смрт на нејзината ќерка.
Жртвата потоа била однесена кај уште неколку видовити лица, за кои полицијата вели дека користеле лични податоци што ги дала нејзината ќерка. Гатачите и афро-бразилските свештенички продолжиле да ја мамат вознемирената мајка, а потоа измамниците и понудиле „духовно исцелување“ за значителни суми пари.
Во следните месеци, полицијата тврди дека осомничените физички и се заканувале на Женевје и дека нејзината ќерка со месеци насилно ја држела затворена во куќата.
Сабине и учесникот кој се претставуваше како психичар „почнаа да земаат уметност од (мајчината) куќа, тврдејќи дека сликите се проколнати со некоја негативна енергија за која треба да се моли“, рече полицискиот службеник во Рио де Жанеиро, Жилберто Рибеиро.
По речиси една година малтретирање, жртвата решила да оди во полиција.
Полицијата соопшти дека биле украдени 16 слики, меѓу кои и дела на познати бразилски уметници како Цицеро Диас, Рубенс Герчман и Алберт Гињар.
Три дела на иконата модернистичка сликарка Тарсила до Амарал – О Соно, Сол Поенте и Понт Нојф – исто така беа украдени, а полицијата ги процени заедно на 700 милиони реали (137,69 милиони долари).
Едно од највредните украдени дела беше сликата на Тарсила до Амарал, Сол Поента (Заоѓање на сонцето) од 1929 година. Таа беше пронајдена скриена под кревет за време на полициска рација во Рио де Жанеиро во домовите на еден од психичарите. Во таа рација беа пронајдени уште десет слики.
Властите пронајдоа и три слики во Сао Паоло. Две беа продадени на музеј во Буенос Аирес, но сè уште не се пронајдени.
Полицијата соопшти дека седум лица се осомничени за вмешаност во повеќегодишна криминална акција, а се товарат за проневера, грабеж, изнуда, лажно затворање и злосторничко здружување.
