Поранешниот американски претседател Доналд Трамп по вчерашното судско рочиште се упати кон аеродромот за да одржи хуманитарен настан, но застана во ресторан и – се помоли со своите поддржувачи.
Откако беше сослушан пред судот, поранешниот американски претседател на пат кон аеродромот застана во ресторан во Мајами, каде беше пречекан од пресреќни поддржувачи.
Би-би-си пишува дека станува збор за кубанскиот ресторан Кафе Версај.
Забележана е мала група луѓе како се молат околу него. Поттикнат од позитивната атмосфера, Трамп плати за сечија храна, по што луѓето почнаа да му пеат „среќен роденден“.
Трамп по молитвата се фотографираше со собраните во ресторанот. Синоќа имаше и хуманитарен настан, а денеска го слави својот 77 роденден.
