Сеп Блатер, поранешниот претседател на Меѓународната фудбалска федерација (ФИФА), како и некогашниот прв човек на Европската фудбалска унија (УЕФА) Мишел Платини, денеска пред швајцарскиот суд беа ослободени од обвиненијата за измама.
Сојузниот кривичен суд во Белинцона не го прифати барањето на обвинителството, кое кон средината на јуни побара условна затворска казна за двајцата, од по една година и осум месеци.
Блатер и Платини ја негираа вината. Судењето траеше 11 дена и заврши на 22 јуни.
